ShQO-da iri sý nysany 30 jyldan keıin alǵash ret qaıta jańartylyp jatyr
ASTANA. KAZINFORM — Sońǵy 30 jyldan astam ýaqyttan keıin ShQO-da alǵash ret «Pobeda» magıstraldyq kanalynyń rekonstrýktsııasy júrgizilip jatyr, dep habarlaıdy Sý resýrstary jáne ırrıgatsııa mınıstrliginiń baspasóz qyzmeti.
Shyǵys Qazaqstan oblysyndaǵy «Qazsýshar» fılıaly «Pobeda» magıstraldyq kanaly men onyń negizgi qurylysyn sońǵy 30 jyldan astam ýaqyttan keıin alǵash ret rekonstrýktsııalaýdy bastady.
Qazirgi ýaqytta uzyndyǵy 6 shaqyrym bolatyn kanal bóligi mehanıkalyq tazalaýdan ótti.
Jobany 2026 jyldyń sońyna deıin tolyq aıaqtaý josparlanǵan.
— Qurylys-montaj jumystaryn júrgizý úshin qajetti materıaldardy satyp alý jáne jetkizý jumystary júrip jatyr. 2025 jylǵa belgilengen barlyq jumys tolyq oryndaldy. Qalǵan jumystar bıyl jalǵasyn tabady, — dedi Shyǵys Qazaqstan oblysyndaǵy «Qazsýshar» fılıaly dırektory Dáýlet Janysov.
Budan buryn 2026 jyly Sý resýrstarynyń ulttyq aqparattyq júıesi iske qosylatynyn jazǵan edik.