ShQO-da PTR anyqtamasy joq myńǵa jýyq jolaýshy jolynan qalǵan
NUR-SULTAN. QazAqparat – ShQO-da bir aptanyń ishinde PTR test anyqtamasy joq 891 adam poıyz ben ushaqqa jiberilmegen. Bul týraly Kóliktegi bas memlekettik sanıtarlyq dáriger Sádýasaq Baıǵabylov málim etti, dep habarlaıdy QazAqparat tilshisi.
«2020 jyldyń 2-8 qarashasy aralyǵynda PTR test anyqtamasy bolmaǵandyqtan poıyz jáne ushaq arqyly 891 adam Shyǵys Qazaqstannan shyǵyp kete almady. Tarqata aıtqanda Qazaqstannyń basqa aımaqtaryna PTR-test anyqtamasy bolmaǵandyqtan Shyǵys Qazaqstannan 104 adam áýejaıdan qaıtaryldy. Olar áýe kemesine jiberilmedi. Al PTR test anyqtamasy bar 2960 áýe jolaýshysy áýejaıdan ushyp ketti. Sonymen qatar PTR test anyqtamasy joq 787 adam poıyzǵa kirgizilmedi. 3941 adam basqa aımaqtarǵa poıyz arqyly ketti», - deıdi Sádýaqas Baıǵabylov.
Kóliktegi bas memlekettik sanıtarlyq dáriger sonymen qatar Shyǵys Qazaqstanmen birge búginnen bastap Soltústik Qazaqstan oblysynyń turǵyndary da basqa óńirlerge shyǵý úshin PTR test anyqtamasyn alyp júrýi tıis.
Eske sala ketsek Shyǵys Qazaqstan oblysy koronavırýstyń taralý qarqyny boıynsha «qyzyl aımaqqa» kirgen bolatyn. Bul týraly ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaev resmı taratylǵan vıdeoúndeýde jarııa etken.
Al Kóliktegi bas memlekettik sanıtarlyq dáriger Sádýaqas Baıǵabylov 9 qarashadan bastap Shyǵys Qazaqstanmen birge Soltústik Qazaqstan oblysynyń turǵyndary da PTR test anyqtamasynsyz syrtqa shyǵa almaıtynyn málim etken edi.
