ShQO-da psıhıkalyq aýytqýy bar adamdar emdeletin ortalyq ǵımaraty súriledi
Ulan aýdanynyń Jańa Qanaı aýylyndaǵy psıhıkalyq densaýlyq ortalyǵynyń ǵımaraty tozyp tur. Ondaǵy korpýstar naýqastardyń emdelýine jáne sonda jatýyna jaramsyz. Ábden eskirgen ortalyq zamanaýı talaptarǵa múldem sáıkes kelmeıdi. Sondyqtan ShQO ákimdigi 1947 jylǵy ǵımaratty jóndeýdiń ornyna súrip tastaý týraly sheshim qabyldady.
«Ortalyq qamqorlyq pen kútimdi qajet etetin psıhıkalyq aýytqýlary bar adamdardy emdeýge arnalǵan. Shaǵyn aýyl turǵyndaryn jumyspen de qamtyp otyr. Uıymda barlyǵy 102 adam jumys isteıdi, olardyń barlyǵy Jańa Qanaı aýylynyń turǵyndary. Bul úsh dáriger, 28 orta medıtsına qyzmetker jáne 71 tehnıkalyq qyzmetker. Jańa Qanaı aýylynda barlyǵy 465 adam turady. ıAǵnı, ár otbasynyń bir múshesi osy ortalyqta qyzmet etedi», - dep habarlady oblys ákimdiginen.
Qazir mekemede barlyǵy 125 patsıent esepte tur. Alaıda korpýstar osynshama kóp adamdy qabyldaı almaıdy.
Aımaq basshysy Ermek Kósherbaev qysqa merzimde bul jerge jańa nysan salý kerektigin aıtty. Ol aýdan ákimdigi men ShQO Qurylys basqarmasyna zamanaýı sanıtarlyq jáne qurylys normalaryna sáıkes keletin jobany ázirleýdi tapsyrdy. Ǵımarat birqabatty jáne «P» árpi túrinde bolady.