ShQO-da prokýrorlar jertólede ornalasqan esirtki zerthanasyn joıdy

ÓSKEMEN. KAZINFORM – Shyǵys Qazaqstan oblysy prokýratýrasynyń úılestirýimen ótkizilgen arnaıy operatsııa barysynda qylmystyq polıtsııa qyzmetkerleri jalǵa alynǵan jertólede zerthanalyq qural-jabdyqtar, asa iri kólemde satýǵa daıyn prekýrsorlar men sıntetıkalyq esirtkini tárkiledi.

Málim bolǵandaı, prokýratýra men polıtsııa bul jertóleni birneshe aı ańdyp, baqylaǵan.

«Saraptamaǵa sáıkes 1,4 keli mefedron, 1,6 tonna hımııalyq suıyqtyq alyndy. Sóıtip, 100 kelige jýyq sıntetıkalyq esirtki zattaryn óndirýge jol berilmedi. Asa iri kólemde esirtkini ótkizý maqsatynda zańsyz óńdeý, satyp alý, saqtaý jáne óndirý faktisi boıynsha qylmystyq is qozǵaldy», - delingen habarlamada.

Kúdikti dep tanylǵan 41 jastaǵy oblys ortalyǵynyń turǵyny ustalyp, ýaqytsha ustaý ızolıatoryna qamaldy.

Onyń múlki tárkilenip, on bes jylǵa deıin bas bostandyǵynan aıyrylýy múmkin.