ShQO-da prokýratýra organdary qyzmetkerleriniń zańǵa qaıshy áreketi anyqtaldy
«QR Ulttyq qaýipsizdik komıteti QR Bas prokýratýrasynyń Іshki tergeý departamentimen birlesip, 2019 jylǵy jeltoqsanda prokýratýra organdary laýazymdy adamdarynyń jeke kásipkerlik ókilinen asa iri mólsherde aqshalaı qarajatty qorqytyp alýmen baılanysty áreketiniń jolyn kesti», - delingen habarlamada.
Atap aıtqanda, bıylǵy 10 jeltoqsanda Óskemen qalasynda kásipkerden 50 mln teńge somasynda aqshalaı qarajatty alý kezinde QR Bas kólik prokýratýrasy Qylmystyq qýdalaý basqarmasynyń aǵa prokýrory Qutanov Áljappar Maǵaýııauly jáne ShQO prokýratýrasy Qoǵam múddelerin qorǵaý basqarmasy bastyǵynyń orynbasary Ramazanov Aıdos Asulanuly qylmys ústinde ustaldy.
«Ustalǵandarǵa qatysty Qazaqstan Respýblıkasy Qylmystyq kodeksiniń 194-baby 4-b. 2-t. («Qorqytyp alýshylyq») boıynsha sotqa deıingi tergeý jalǵasýda», - delingen UQK málimetinde.