ShQO-da prokýratýra kásiporyn jumysshylaryna tıesili 14 mln teńge jalaqynyń tólenýine uıtqy boldy
ÓSKEMEN. KAZINFORM -Samar aýdanynyń prokýratýrasy eńbek zańnamasynyń saqtalýyna taldaý júrgizý barysynda «Samar» ShJQ KMK qyzmetinde azamattardyń eńbek quqyqtarynyń buzylǵanyn anyqtady.
Tekserý nátıjesinde kásiporynnyń 53 qyzmetkeri aǵymdaǵy jyldyń eki aıy boıy tıisti eńbekaqylaryn almaǵany belgili boldy.
Prokýrorlyq qadaǵalaý aktisi boıynsha kásiporyn jumysshylarynyń zańdy quqyqtary qalpyna keltirildi. Jalaqy boıynsha 14 mln teńgeden astam bereshek tolyqtaı óteldi.
Kásiporyn QR ÁQBtK-niń 87-baby 1-bóligi boıynsha (Eńbekaqy tóleý jónindegi talaptardy buzý) jaýaptylyqqa tartylyp, oǵan 129 myń teńge kóleminde aıyppul salyndy.
Azamattardyń konstıtýtsııalyq quqyqtary men qoǵam múddesin qorǵaý prokýratýra organdary jumysynyń basym baǵyty bolyp qala beredi.
Osyǵan deıin Abaı oblysynda prokýratýranyń bızneske qatysty 60 zańsyz tekserýdi toqtatqany týraly jazdyq.
