ShQO-da poıyzǵa otyrý úshin PTR anyqtama talap etilmeıtin boldy
ÓSKEMEN. QazAqparat – Shyǵys Qazaqstan oblysynda poıyz jáne ushaq jolaýshylarynan PTR test anyqtamasy talap etilmeıtin boldy, dep habarlaıdy QazAqparat tilshisi.
Bul jaıly búgin shyqqan Kóliktegi bas memlekettik sanıtarlyq dárigerdiń qaýlysynda jazylǵan.
«Shyǵys Qazaqstan oblysynyń ishki áýe jáne temirjol qatynastarynda COVID-19 boıynsha shekteý sharalaryn kúsheıtý týraly» Kóliktegi Bas memlekettik sanıtarlyq dárigerdiń 2020 jylǵy 31 qazandaǵy № 59 qaýlysyna ózgerister engizildi. Endi poıyz jáne ushaq jolaýshylarynan PTR test anyqtamasy talap etilmeıdi», - delingen qujatta.
Jańa qaýly 16 jeltoqsannan bastap kúshine endi.
Esterińizge sala ketsek, osyǵan deıin ShQO-da shekteý sharalarynyń 30 jeltoqsanǵa deıin uzartylǵany habarlanǵan.
