ShQO-da poıyz apatqa ushyrady
ÓSKEMEN.QazAqparat – Shyǵys Qazaqstan oblysynyń Aıagóz aýdanyna qarasty Jaqsybulaq stantsııasynda poıyzdar soqtyǵysty, dep habarlaıdy QazAqparat.
«Qazaqstan temir joly» aktsıonerlik qoǵamy baspasóz qyzmetiniń málimetterine qaraǵanda, oqıǵa búgin 08 saǵat 15 mınýtta bolǵan. Kúshti jeldiń saldarynan stantsııada turǵan júk vagondary ózdiginen oryndarynan qozǵalyp, sol sátte kelip qalǵan №3471 júk poıyzymen soqtyǵysqan.
Oqıǵa saldarynan lokomotıv pen 23 vagon relsten shyǵyp ketken. Lokomotıvten órt shyqty. Opat bolǵandar men zardap shekkender joq. Oqıǵa bolǵan jerge Balqash, Aqtoǵaı stantsııalarynan qalpyna keltirý jáne órt sóndirýshi poıyzdar jóneltildi. Oqıǵanyń sebep-saldaryn tekserý úshin arnaıy komıssııa jolǵa shyqty.
«Sonymen qatar, oqıǵa saldarynan «Nur-Sultan Nurly jol – Dostyq» qatynasyndaǵy №54 poıyzy keshikti. Atalǵan poıyz jolaýshylarynyń jol júrý qujattarynda (bıletterde) kórsetilgen mejeli jerlerine jetýi úshin avtobýstarmen tasymaldaý uıymdastyrylýda»,-delingen Ulttyq kompanııanyń habarlamasynda.
