ShQO polıtsııasy daýysy bar drondardy iske qosty: olar ne úshin qajet
ASTANA. KAZINFORM — Shyǵys Qazaqstan oblysynyń polıtsııa departamentindegi bólimshelerde daýys kúsheıtkishi bar 10 jańa dron paıdalanýǵa berildi.
Alǵashqy profılaktıkalyq ushýlar bazarlar, saýda oryndary jáne aýyl sharýashylyǵy jármeńkeleriniń aýmaqtarynda júzege asyryldy.
Áýeden ushqyshsyz apparattar dybystyq úndeýler taratyp, azamattarǵa qoǵamdyq tártipti saqtaý, jeke múliktiń qaýipsizdigine muqııat bolý jáne zań talaptaryn qatań ustaný qajettigin eske saldy.
Sonymen qatar bul jańa qurylǵylardyń múmkindikteri budan da keń. Daýys kúsheıtkishi bar drondar jol qaýipsizdigin qamtamasyz etý, aýlaishilik aýmaqtar men adam kóp jınalatyn oryndardy patrýldeý, profılaktıkalyq is-sharalardy júrgizý, sondaı-aq izdestirý jumystary men jedel jaǵdaıdy áýeden baqylaý úshin qoldanylady.
— Ushqyshsyz tehnologııalardy paıdalaný aýqymdy aýmaqtardy jedel sholýǵa, azamattarǵa qaýipsizdik sharalaryn ýaqtyly jetkizýge jáne polıtsııa narıadtarynyń jumys tıimdiligin arttyrýǵa múmkindik beredi, — dep habarlady polıtsııa.
Eske salaıyq, buǵan deıin Astanada joǵalǵan adamdardy izdeýge drondar qoldanylyp jatqanyn habarlaǵanbyz.
