ShQO-da polıtsııa mal urlyǵyna qatysy bar topty quryqtady
ÓSKEMEN. KAZINFORM — ShQO-da polıtsııa mal urlyǵymen aınalysqan topty ustady. Bul týraly Polisia.kz jazdy.
Oblystyq «Beket» jedel-profılaktıkalyq is-sharasy barysynda polıtseıler qajetti qujattarsyz úsh maldyń eti tıelgen avtokólikti toqtatqan. Jedel tergeý is-sharalary barysynda eki kúdikti ustaldy. Polıtseıler olardyń buǵan deıin jasalǵan bir iri qara mal urlyǵyna qatysy baryn anyqtady.
— Qylmystyq áreketter áserinen jalpy 600 myń teńgeden astam shyǵyn keltirilgen. Urlanǵan maldy kúdiktiler oblys ortalyǵyna jetkizip, et bazarynda satýdy josparlaǵan. Tárkilengen úsh maldyń eti zańdy ıelerine qaıtaryldy. Ustalǵandarǵa qatysty QR QK-niń 188-baby (Urlyq) sotqa deıingi tergeý bastaldy, — delingen habarlamada.
Kúdiktiler ýaqytsha ustaý ızolıatoryna qamaldy. Qazirgi ýaqytta qajetti tergeý amaldary júrgizilip jatyr.
Polıtsııa óńir turǵyndaryn óz múlkin qorǵaý sharalaryn der kezinde qabyldaýǵa, maldy qaraýsyz qaldyrmaýǵa, qoralardy nyǵaıtýǵa, janýarlardy tańbalaýǵa shaqyrady.
Mal urlyǵy nemese joǵalýy jaǵdaıynda birden «102» nómirine habarlaý qajet.
Osyǵan deıin úsh óńirde mal urlyǵymen aınalysqan uıymdasqan qylmystyq toptar ustalǵan edi.