ShQO-da polıtsııa qyzmetkerleri órtke oranǵan úıden balany aman alyp shyqty
ASTANA. KAZINFORM – Búgin saǵat 13:00 shamasynda Altaı qalasynyń ońtústik bóligin patrýldeý kezinde «Altaı 03» patrýldik avtokóliginiń ekıpajy jeke sektor aýmaǵynan qalyń tútinniń kóterilgenin baıqaǵan.
Tártip saqshylary dereý tútin shyqqan aýmaqqa bet alǵan. Altaı kóshesindegi № 3 úıge kelgen boıda jeke turǵyn úıdiń órtenip jatqanyn kórgen.
Terezeden jylap jatqan balany kórgen polıtsııa maıory Azamat Qanapın órt sóndirýshilerdi kútip turmaı, dereý kómekke umtylǵan. Oǵan áriptesteri — vzvod komandıri polıtsııa kapıtany Rınat Qunııazov pen patrýldik polıtsııa vzvody qyzmetiniń ınspektory polıtsııa aǵa leıtenanty Abzal Smaǵulov birden kómektesip, birigip terezeni syndyrdy. Osydan keıin maıor Qanapın úıde qalǵan balany tez arada syrtqa shyǵaryp, qaýipsiz jerge alyp ketti.
Sondaı-aq oqıǵa ornynda júrgen kórshi de dereý shuǵyl qyzmetterge habarlasyp, óz kezeginde kómek kórsetken.
Kóp uzamaı oqıǵa ornyna órt sóndirýshiler men jedel járdem brıgadasy jetti. Qutqarylǵan bala dárigerlerge tapsyrylyp, aýrýhanaǵa jetkizildi. Qazirgi ýaqytta onyń ómiri men densaýlyǵyna esh qaýip tónip turǵan joq.
Polıtseıler men kórshiniń jedel ári úılesimdi batyl áreketteriniń arqasynda bala der kezinde qutqarylyp, qaıǵyly jaǵdaıdyń aldy alyndy.
