ShQO-da polıtsııa qyzmetkeri bes balany ýlanýdan aman alyp qaldy

ASTANA. KAZINFORM — Respýblıkalyq «Ýchaske» jedel aldyn alý is-sharasy aıasynda Úlbi polıtsııa bóliminiń qyzmetkerleri esepte turǵan otbasylardy tekserip, saıajaı aýmaqtaryn aralap júrgen, dep habarlaıdy Polisia.kz.

Sol kezde polıtsııa qyzmetkeri Ásel Týkýsheva baqylaý maqsatynda úılerdiń birine kirgen. Tabaldyryqtan attaı salysymen ol úı ishinen ýly gazdyń ótkir ıisin sezgen. Bul úıde bes balany jalǵyz tárbıelep otyrǵan ana turatyn: úlkeni — 17 jasta, kishisi — 3 jasta.

— Qaýip mınýt sanap kúsheıip bara jatqandyqtan, polıtsııa qyzmetkeri dereý áreket etip, qaıǵyly jaǵdaıdyń aldyn aldy. Oqıǵa ornyna jedel jetken TJD mamandary úı ishinde ýly gazdyń taraǵanyn rastady. Peshte paıda bolǵan aqaýlardan úı ishine tútin taraǵan. Úıde qalý qaýipti bolǵandyqtan ana men bes bala Óskemendegi daǵdarys ortalyǵyna ýaqytsha ornalastyryldy, — delingen habarlamada.

Budan buryn Túrkistan oblysy Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert bolǵanyn jazǵan edik.