ShQO-da polıtseıler jolda demikpesi ustaǵan áıelge shuǵyl kómek kórsetti
ÓSKEMEN. KAZINFORM – Shyǵys Qazaqstan oblysynda jolda demikpesi ustaǵan áıelge polıtsııa qyzmetkerleri kómekke keldi.
ShQO Polıtsııa departamenti baspasóz qyzmetiniń málimetine súıensek, 11 qańtarda «Óskemen-Samar» tasjolynyń 63-shaqyrymynda patrýldik polıtsııa batalonynyń qyzmetkerleri jol jıeginde toqtap turǵan avtokólikti baıqaǵan.
– Mán-jaıdy anyqtaý barysynda kólikte otyrǵan 60 jastaǵy áıeldiń kenetten densaýlyǵy syr bergeni belgili boldy. Onyń demikpesi ustap, tynysy tarylǵan. Jaǵdaıdy dereý baǵamdaǵan polıtsııa aǵa leıtenanty Aslan Tileýbaev pen polıtsııa kapıtany Dastan Dáýrenuly áıeldi Asýbulaq aýylyna deıin jedel ilesip aparyp, jedel járdem brıgadasyna tapsyrdy, - delingen aqparatta.
Polıtseılerdiń ýaqtyly ári úılesimdi is-qımylynyń arqasynda áıel adam medıtsına mamandaryna jetkizilip, qajetti kómekti der kezinde aldy.
Eske salsaq, osyǵan deıin ShQO-da patrýldik polıtsııa ınsýlt alǵan júrgizýshige kómek kórsetkeni habarlanǵan.