ShQO-da polıtseıler 8 myńnan astam jabaıy ósetin qarasora butasyn joıdy
ASTANA.KAZINFORM — Shyǵys Qazaqstan oblysynda jabaıy ósetin qarasora oshaqtaryn anyqtaý jáne joıý maqsatynda «Qarasora — 2025» jedel-profılaktıkalyq is-sharasy barysynda esirtki qylmysyna qarsy is-qımyl basqarmasynyń qyzmetkerleri Ulan jáne Zaısan aýdandarynda reıdter júrgizdi.
Aýmaqtardy tekserý barysynda ushqyshsyz ushý apparattary men drondar qoldanyldy.
Bul óz kezeginde izdestirý is-sharalarynyń tıimdiligin aıtarlyqtaı arttyryp, qamtylatyn aýmaqtyń kólemin keńeıtýge múmkindik berdi. Nátıjesinde 20 gektardan astam jerden 8 myńnan astam jabaıy qarasora butasy joıyldy.
— ShQO polıtsııa departamentinde atap ótkendeı, esirtki quraldarynyń zańsyz aınalymyna jol bermeý jumystary júıeli túrde júrgizilip keledi jáne bul baǵyttaǵy sharalar jalǵasyn tabady. Ol úshin zamanaýı tehnologııalar paıdalanylady jáne basqa da kúshtik qurylymdarmen tyǵyz ózara is-qımyl qamtamasyz etiledi, — delingen habarlamada.
Aıta ketelik Qostanaı oblysynda polıtseıler baqshasynda qarasora ósirgen turǵyndy qolǵa túsirdi.