ShQO-da polıtseıler 4 jasar búldirshindi aýrýhanaǵa shuǵyl jetkizdi
ASTANA. KAZINFORM – Ótken túnde ShQO PD patrýldik polıtsııa qyzmetkerleri shuǵyl medıtsınalyq járdem qajet bolǵan balany qutqaryp qaldy.
Oqıǵa Buqtyrma sý qoımasynyń jaǵalaýynda bolǵan. Onda qyzmette bolǵan ShQO PD patrýlddik polıtsııa batalonynyń aǵa ınspektory Rınat Qostýbaevqa bir áıel kómek surap júgingen. Onyń aıtýynsha, 4 jasar qyzynyń densaýlyǵyna qaýip tónip, jaǵdaıy nasharlaǵan.
Ýaqyt joǵaltpaı áreket etken kapıtan Qostýbaev dereý jaqyn mańdaǵy ekıpajdardyń jumysyn úılestirgen. Kóp uzamaı kómekke oblystyq batalon ınspektorlary — polıtsııa aǵa leıtenanttary Danııar Nursalınov pen Madııar Erjanov jetken.
Tártip saqshylary anasy men perzentin patrýldik avtokólikke otyrǵyzyp, birden jolǵa shyqty.
Polıtseıler arnaıy dybystyq jáne jaryq sıgnaldaryn qosyp, balany Ana men bala ortalyǵyna qysqa ýaqyt ishinde jetkizdi. Kólik keptelisine qaramastan, tártip saqshylarynyń naqty is-qımylynyń arqasynda búldirshin dárigerlerge der kezinde tapsyryldy.
Aıta ketelik Sátbaevta órtten er adam men tórt bala qutqarylǵan edi.
