ShQO-da polıtseıdi urǵan er adamnyń 3 jylǵa bas bostandyǵy shekteldi

ÓSKEMEN. KAZINFORM – Shyǵys Qazaqstan oblysy Rıdder qalasynda polıtseıdi urǵan er adam 3 jylǵa bas bostandyǵynan shekteldi.

ShQO Polıtsııa departamenti baspasóz qyzmetiniń málimetine súıensek, túngi ýaqytta 36 jastaǵy er adam taksı júrgizýshisine jol aqysyn tóleýden bas tartqan. Sol kezde júrgizýshi mas jolaýshyny qalalyq polıtsııa bólimine alyp keledi.

«Ol polıtsııa bólimshesinde de dóreki minez tanytyp, balaǵat sózder aıtyp, taksı júrgizýshisin qorqytýyn toqtatpaǵan. Sol kezde polıtsııa qyzmetkerleri Rıdder turǵynyn tártipke shaqyrady. Biraq er adam bul talapqa baǵynbaı, zańsyz áreketterin jalǵastyryp, ınspektordyń betinen eki ret uryp jibergen», - delingen aqparatta.

Sot sheshimimen 36 jastaǵy aıytpalýshy kináli dep tanyldy. Oǵan 40 saǵattyq qoǵamdyq jumystarǵa tartý jáne 3 jyl merzimge bas bostandyǵyn shekteý jazasy taǵaıyndaldy.