ShQO-da polıtseı kórsetkishin jaqsartý úshin jalǵan hattamalar toltyrǵan
ÓSKEMEN. KAZINFORM – Shyǵys Qazaqstan oblysynda ákimshilik quqyq buzýshylyq týraly hattamalardy qoldan jasaǵan polıtseı 2 jarym jylǵa sottaldy.
ShQO Prokýratýrasy baspasóz qyzmetiniń málimetine súıensek, Óskemen qalalyq polıtsııa basqarmasyn tekserý barysynda patrýldik polıtsııa ınspektorynyń ákimshilik quqyq buzýshylyq týraly hattamalardy qoldan jasaý faktisi anyqtaldy.
«Tártip saqshysy óziniń qyzmettik kórsetkishterin arttyrý úshin jalǵan hattamalar toltyrǵan. Tergeý barysynda ol óz kinásin tolyq moıyndady. Sot úkimimen aıyptalýshy 3 jyl merzimge memlekettik qyzmette laýazym atqarý quqyǵynan aıyrylyp, 2 jyl 6 aıǵa bas bostandyǵyn shekteý jazasyna kesildi», - delingen aqparatta.
Mundaı faktilerdiń aldyn alý maqsatynda oblys prokýratýrasy ShQO Polıtsııa departamentiniń basshylyǵyna qylmystyq quqyq buzýshylyq pen basqa da zań buzýshylyqtardyń aldyn alý qajettiligi týraly eskertti.
«Sonymen qatar prokýratýranyń sotqa deıingi tergeý basqarmasy qalalyq PB patrýldik polıtsııasynyń barlyq jeke quramymen kezdesip, jedel keńes uıymdastyrdy. Polıtsııa qyzmetkerlerine óz áriptesiniń qylmystyq quqyqbuzýshylyq jasaǵany jáne osyndaı faktiler úshin QR Qylmystyq kodeksinde qarastyrylǵan jaýapkershilik týraly túsindirildi», - delingen habarlamada.
