ShQO-da polıtsııaǵa qarý tapsyrǵan turǵyndar 10 mln teńgege jýyq syıaqy aldy
ShQO Polıtsııa departamenti baspasóz qyzmetiniń málimetine súıensek, óńir boıynsha aktsııa barysynda halyqtan 9,7 mln teńge somasynda 153 qarý alynǵan. Onyń ishinde 25 oıyq jáne 128 tegis uńǵyly atys qarýy bar.
Máselen, jýyqta Úrjar aýdandyq polıtsııa bólimine 51 jastaǵy er adam júginip, eki ańshylyq qarýyn óz erkimen tapsyrdy. Onyń aıtýynsha, atalǵan qarýlar 2018 jyly qaıtys bolǵan ákesinen qalǵan. Qazirgi ýaqytta sot-ballıstıkalyq saraptama taǵaıyndaldy.
«Halyqtan zańsyz saqtalǵan atys qarýy men oq-dárilerdi satyp alý jónindegi komıssııa quramy azamatqa eki qarý úshin 120 000 teńgeden astam qarajat tóleıdi. Koronavırýst ınfektsııasynyń taralýyna jol bermeý maqsatynda aktsııa sanıtarlyq-epıdemıologııalyq talaptarǵa sáıkes ótkizilýde», - dedi ShQO PD bastyǵy Saǵat Mádıev.