ShQO-da polıtsııa qyzmetkerleri boryshkerlerden 17 mln teńge óndirdi
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri «Boryshker» jedel aldyn alý sharasy barysynda 17 mln teńge óndirdi, dep habarlaıdy QazAqparat tilshisi
ShQO Polıtsııa departamenti baspasóz qyzmetiniń málimetine súıensek, «Boryshker» jedel aldyn alý sharasy aıasynda tártip saqshylary ákimshilik aıyppuldardy óndirýge kirisken.
Іs-sharanyń úsh kúninde polıtsııa qyzmetkerleri memleket bıýdjetine 17 mln teńgeden astam qarajat óndirip aldy. 2 000-nan astam azamatqa ákimshilik aıyppul bereshekteri týraly habarlandy. Sonymen qatar ákimshilik quqyq buzýshylyq týraly qaýlylardy oryndamaǵany úshin mamandandyrylǵan turaqqa 110 avtokólik jetkizilgen.
«Máselen, polıtseıler jalpy somasy 1 mln teńgeden asatyn 54 ákimshilik quqyq buzýshylyq jasaǵan júrgizýshini anyqtady. Onyń avtokóligi qaryzdy tolyq ótegenge deıin arnaıy turaqqa qoıyldy», - dedi ShQO PD Ákimshilik polıtsııa basqarmasynyń bastyǵy Ernar Bazarov.
