ShQO-da polıtsııa 700 myń teńge alıment tólemeı qashyp júrgen adamdy elordadan tapty

ÓSKEMEN. QazAqparat – Shyǵys Qazaqstan oblysynda balasyna 700 myń teńge alıment tólemegen er adam elordaǵa qashyp ketken, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Aıagóz qalalyq PB kóshi-qon qyzmeti bólimine sot oryndaýshysynyń qaýlysy kelip tústi. Onda jazylǵandaı, 34 jastaǵy er adam kámeletke tolmaǵan balasyna alıment tóleýden jaltaryp júrgen. Jalpy qaryz mólsheri – 700 myń teńgege jetti.

«Іzdestirý sharalaryn júrgizgen kóshi-qon qyzmetiniń mamandary quqyq buzýshyny Nur-Sultan qalasynan anyqtady. Oǵan qatysty jınalǵan materıal aqshany óndirip alý úshin jeke sot oryndaýshylarynyń óńirlik palatasyna jiberildi», - dedi oblystyq PD bastyǵy Saǵat Mádıev.

Aıta keteıik, jyl basynan beri Shyǵys Qazaqstan polıtseıleri alıment tólemeı júrgen 300-den astam adamdy tapty.