ShQO-da polıtseıler urlanǵan 100 bastan astam maldy ıelerine qaıtardy
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri urlanǵan 5 mln teńgeniń malyn ıelerine qaıtaryp berdi, dep habarlaıdy QazAqparat.
ShQO Polıtsııa departamenti baspasóz qyzmetiniń málimetine súıensek, 24-28 aqpan aralyǵynda júrgizilgen «Mal urlyǵy» jedel aldyn alý sharasy barysynda 40-tan astam mobıldi top qurylǵan. Osy ýaqyt aralyǵynda tártip saqshylary mal men et ónimderin tasymaldaıtyn 430 kólik quralyn jáne et ónimderin satatyn 193 saýda ornyn tekserdi.
«Shara barysynda mal urlyǵy boıynsha 8 fakti anyqtalyp, 19 bas mal ıelerine qaıtarylǵan. Sondaı-aq osyǵan deıin jasalǵan 27 qylmys ashyldy. Nátıjesinde quny 5 mln teńgeden asatyn 100 bastan astam mal tabyldy», - dep habarlady vedomstvo ókilderi.
