ShQO-da polıtseıler tapqan 13 jylqynyń ıesi izdestirilip jatyr
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri tapqan 13 jylqynyń ıesi izdestirilip jatyr, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 14 maýsymda tártip saqshylary Samsonovka aýyly mańynda qaraýsyz jaıylyp júrgen jylqylardy tapqan.
«Qazirgi ýaqytta 13 jylqy men 2 qulyn Samsonovkadaǵy sharýa qojalyqtarynyń birine ýaqytsha jetkizildi. Mal ıesi áli anyqtalǵan joq. Odan «102» nómirine habarlasýyn suraımyz», - dep habarlady vedomstvo ókilderi.
Polıtsııa qyzmetkerleriniń aıtýynsha, jylqy ıesi QR ÁQBtK-niń 408-baby boıynsha ákimshilik jaýapkershilikke tartylýy múmkin.
Atalǵan bapqa sáıkes 10 AEK (29 170 teńge) mólsherinde aıyppul qarastyrylǵan.
