ShQO-da polıtseıge til tıgizgen er adam 20 saǵattyq jumysqa jegildi
ShQO boıynsha QAJD baspasóz qyzmetiniń málimetine súıensek, Qasym Qaısenov kentiniń turǵyny podezde alkogoldi ishimdik iship, kórshilerin beıádep sózdermen qorlaǵan. Olar ýchaskelik polıtseıge habarlasyp, shaǵym túsirdi.
Oqıǵa ornyna kelgen tártip saqshysy sabyrǵa shaqyrǵanymen múlde qulaq aspaǵan. Al onyń barlyq áreketteri beınekameraǵa túsirilip, sotta dálel boldy. 30 jastaǵy er adam polıtsııa qyzmetkerin de balaǵattady. Sot sheshimimen ol 20 saǵattyq qoǵamdyq jumysqa tartyldy. «Sottalǵan azamat probatsııa qyzmetiniń esebine alynyp, qoǵamdyq jumystardy oryndaý úshin jergilikti atqarýshy organǵa jiberildi. Endi er adam kúnine 4 saǵat boıy qala kóshelerindegi qoqys jáshikterin tazalap, qar kúreıtin bolady», - dedi Óskemen qalasy boıynsha probatsııa qyzmetiniń basshysy Maqsat Manarbekov.