ShQO-da polıtseıdiń áıeli men balalary óli kúıinde tabyldy
ASTANA. QazAqparat - Shyǵys Qazaqstanda polıtseıdiń jubaı men eki qyzy óli kúıinde tabyldy, dep jazdy yk-news.kz.
Qaıǵyly oqıǵa 10 tamyz kúni Qatonqaraǵaı aýdany Úlken Naryn aýylynda bolǵan. Jergilikti polıtseı jumystan kelip, áıeli men eki qyzyn óli kúıinde tapqan. Onyń on jastaǵy úlken qyzy men segiz aılyq sábıi, aldyn ala nusqa boıynsha, pyshaqtalyp óltirilgen. Al 34 jastaǵy jubaıy symda asylyp turǵan. Qazir sotqa deıingi tergeý jumystary júrgizilýde.
Beıresmı derekterge qaraǵanda, áıel balalaryn óltirip, óz-ózine qol jumsaǵan.
Bolsynovtar (attary ózgertildi) otbasyn Úlken Narynda jaqsy biledi. Rınat - AІІB qyzmeti, al onyń jubaıy Aıdana aýyldyq lıtseıde ınformatıka jáne fızıka páni muǵalimi bolyp jumys istegen. Ekinshi sábıiniń ómirge kelýine baılanysty Aıdana dekrettik demalysta bolǵan.
ShQO ІІD men oblystyq prokýratýra osy jaǵdaıǵa baılanysty resmı málimdeme jasady. Aldyn ala nusqa boıynsha, polıtseıdiń otbasyna qastandyq jasalýy múmkin. Biraq úıden eshteńe joǵalmaǵan.
«Osy fakti boıynsha «Adam óltirý» baby boıynsha sotqa deıingi tergeý jumystary bastaldy. ShQO prokýratýrasy bul isti erekshe baqylaýyna aldy. Protsessýaldyq prokýror taǵaıyndalyp, oqıǵanyń mán-jaıy anyqtalýda. Bizdiń qyzmetkerler ár nusqany jiti baqylaýǵa aldy», - dedi ShQO ІІD baspasóz qyzmeti.
Polıtsııa qyzmetkeri áıeliniń óz-ózine jáne balalaryna qol salýyna eshqandaı sebep bolmaǵandyǵyn alǵa tartyp otyr. Qaza tapqan áıel jumys istegen lıtseıdegiler onyń naǵyz kásipqoı maman bolǵandyǵyn aıtýda. Olardyń úlken qyzy - Aıjan týraly da jaqsy pikirler bildirýde. «Balanyń eshqandaı problemasy bolǵan joq», - dedi mektep psıhology.
