ShQO-da polıtseıdi qorlaǵan er adam qoǵamdyq jumysqa jegildi

ÓSKEMEN. QazAqparat – Óskemen qalasynyń turǵyny polıtsııa qyzmetkerine til tıgizgeni úshin qoǵamdyq jumysqa jegildi, dep habarlaıdy QazAqparat tilshisi.

ShQO boıynsha Qylmystyq atqarý júıesi departamenti baspasóz qyzmetiniń málimetine súıensek, jol erejesin buzǵan júk kóliginiń júrgizýshisi ózin toqtatqan tártip saqshysyna balaǵat sózder aıtyp, kóptiń kózinshe qorlaǵan.

Shemonaıha aýdandyq sotynyń úkimimen er adam QR Qylmystyq Kodeksiniń 378-baby (Bılik ókilin qorlaý) boıynsha 50 saǵattyq qoǵamdyq jumysqa tartyldy. Alaıda sot úkimi zańdy kúshine engennen keıin ol jumys isteýden bas tartqan.

Oǵan qoǵamdyq jumystardan jaltarǵany úshin jaza qamaýǵa alýmen almastyratyny týraly birneshe ret eskertildi. Sonda da azamat qulaq aspaǵan.

«Búgingi tańda sottalǵanǵa qatysty materıaldar sotqa joldandy. Endi Óskemen qalasynyń turǵyny 12 táýlikke qamaýǵa alynady», - deıdi Úlbi aýdandyq probatsııa qyzmetiniń ınspektory Aıgúl Mýsınova.