ShQO-da polıtseı kólik astyna túsken adamnan aqsha talap etken
Málim bolǵandaı, Іshki ister departamentine qalalyq aýrýhanadan jaıaý júrginshini kólik qaqqany týraly habarlama túsken. Polıtsııa qyzmetkeri zardap shegýshiden túsinik alý barysynda onyń buryn sottalǵanyn jáne nashaqor retinde tirkeýde turǵanyn anyqtaǵan. Onyń ústine, kólik astyna túsip qalǵan jaıaý júrginshi joldy belgilenbegen jerden ótpek bolǵan. Tártip saqshysy osylardy jeleý etip, qaýly toltyrmas úshin 30 myń teńge talap etken. Zardap shegýshiden aıyptalýshyǵa aınalǵan azamat bul talapqa keliskenimen, izinshe sybaılas jemqorlyqqa qarsy kúres qyzmetine júgingen.
Sot aldynda óz kinásin moıyndaǵan polıtseı, jazany jeńildetý úshin buryn-sońdy isti bolmaǵanyn jáne kámeletke tolmaǵan balalary baryn eskerýdi surady. Sot úkimimen ol memleket qazynasyna 1,8 mln teńge tóledi.
«QR Qylmystyq kodeksiniń 366-babynyń 2-tarmaǵy boıynsha aıyptalýshyǵa alǵan parasynan 60 ese kóleminde aıyppul salynyp, laýazymynan ómir boıyna aıyryldy. «Polıtsııa leıtenanty» sheni de qaıtaryldy» - dep atap ótti Óskemen qalasynyń №2 sotynyń baspasóz hatshysy Vıktorııa Lıapýnova.