ShQO-da polıtseı atyn jamylǵan alaıaq qolǵa tústi
ASTANA. QazAqparat - Rıdder qalasynyń tártip saqshylary ózin «polıtseımin»dep tanystyryp, jergilikti halyqty aldaǵan alaıaqty ustady, dep habarlaıdy «QazAqparat»HAA tilshisi ShQO ІІD baspasóz qyzmetine silteme jasap.
ІІD baspasóz qyzmetiniń habarlaýynsha, alaıaqtyń qaqpanyna birneshe rıdderlik turǵyn túsken. Ol óziniń «qamqorlyǵy» úshin 80 myń teńgeden 300 myń teńgege deıin aqsha alyp otyrǵan.
«Rıdder qalasynyń 62 jastaǵy turǵyny ishki ister bólimine baryp, bir jas jigittiń ózin «polıtseımin» dep tanystyrǵany týraly aıtyp berdi. Belgisiz jigit álgi egde áıelge kelip, nemeresiniń qıyn jaǵdaıǵa tap bolǵanyn bildirgen. Áńgime barysynda beıtanys jigit jol erejelerin buzǵany úshin nemeresiniń basyna túsken isti sheship berýdi usynǵan. Osy qyzmeti úshin ol 270 myń teńge suraǵan. Nemeresiniń jaǵdaıyna alańdaǵan áıel oılanbastan, aıtqan somany ustatqan», - dep habarlaıdy ІІD baspasóz qyzmetinen.
Budan keıin nemeresine qońyraý shalǵan rıdderlik turǵyn eshteńe bolmaǵanyn bilgen.
«Kóp keshikpeı kúdikti qolǵa tústi. Ol 29 jastaǵy Rıdder qalasynyń turǵyny bolyp shyqty. Ol zańsyz jolmen 500 myń teńge tapqan. Qazirgi ýaqytta kúdiktiniń osyǵan uqsas 4 oqıǵaǵa qatysy bar-joǵy anyqtalyp jatyr», - delingen habarlamada.
Ustalǵan kúdikti Qylmystyq kodekstiń 190-baby1-bóligi (alaıaqtyq) boıynsha qylmystyq jaýapkershilikke tartylǵan. Qazirgi ýaqytta sotqa deıingi tergeý amaldary júrgizilýde.
