ShQO-da pırotehnıkalyq ónimderdi zańsyz saýdalaǵandarǵa qatysty 7 hattama toltyryldy
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men polıtseıler zańsyz saýdalanǵan pırotehnıkalardy anyqtaý maqsatynda saýda oryndaryna tekserý júrgizdi.
Barlyǵy 120-ǵa jýyq reıd júrgizildi. Sonyń nátıjesinde, 131 pırotehnıkalyq ónim tárkilenip, QR ÁQBtK-niń 196-baby 1-bóligine sáıkes 7 hattama toltyryldy. Zańsyz saýdalanǵan pırotehnıkalyq ónimder Óskemen qalasynda, Kúrshim, Zaısan jáne Shemonaıha aýdandarynda anyqtalǵan. Satýshylar ruqsat qujattarynyń bolmaýyn ýaqyttyń tyǵyzdyǵymen túsindirdi.
«Pırotehnıkany satatyn dúkenderde, pavılondar men dúńgirshekterde ónim talapqa saı saqtalýy kerek. Oǵan kún sáýlesi men jaýyn-shashyn túspeýi qajet. Pırotehnıkalyq ónimder saýdaǵa qoıylǵan oryndar órt sóndirý quraldarymen jabdyqtalýy tıis», - deıdi ShQO TJD Memlekettik órt baqylaý basqarmasynyń bastyǵy Nurjan Ómirjanov.
Ashyq kózderden alynǵan foto