ShQO-da pırotehnıkalyq buıymdardyń aınalymyna baqylaý kúsheıtildi
ÓSKEMEN. KAZINFORM – Shyǵys Qazaqstan oblysynda sertıfıkattalmaǵan pırotehnıkalyq ónimderdiń zańsyz aınalymyna jol bermeý úshin polıtsııa qyzmetkerleri men tótenshe jaǵdaılar organdary «Pırotehnıka» jedel-profılaktıkalyq is-sharasyn ótkizip jatyr. Bul týraly polisia.kz jazdy.
Atalǵan oblys aýmaǵynda barlyǵy 345 profılaktıkalyq reıd uıymdastyrylǵan. Tekserý barysynda bazarlar men ózge de saýda oryndary qamtylyp, kontrafaktilik pırotehnıkalyq ónimder anyqtalyp, tárkilendi. Qurylyp otyrǵan reıdtik toptardyń jumysy nátıjesinde 60 pırotehnıkalyq buıym aınalymnan alyndy.
Reıdterdiń qorytyndysy boıynsha Qazaqstan Respýblıkasynyń Ákimshilik quqyq buzýshylyq týraly kodeksiniń 196-babynyń 1-bóligine sáıkes 8 ákimshilik hattama toltyrylyp, quqyq buzýshylarǵa aıyppul salyndy.
Shyǵys Qazaqstan oblysy polıtsııa departamenti azamattarǵa sertıfıkattalmaǵan pırotehnıkalyq buıymdardy zańsyz satý jáne paıdalaný úshin ákimshilik jaýapkershilik kózdelgenin eskertedi. Polıtsııa qyzmetkerleri pırotehnıkalyq ónimderdi tek resmı jáne sertıfıkattalǵan saýda oryndarynan satyp alýǵa, sondaı-aq olardy qoldaný kezinde qaýipsizdik talaptaryn qatań saqtaýǵa shaqyrady.
Buǵan deıin Jańa jyl kezinde qaı jerlerde pırotehnıka qoldanýǵa tyıym salynatynyn jazǵan edik.