ShQO-da Pfizer vaktsınasyn 4 myńǵa jýyq adam saldyrdy

ÓSKEMEN. QazAqparat – Shyǵys Qazaqstan oblysynda Pfizer vaktsınasyn 4 myńǵa jýyq adam aldy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha sońǵy táýlikte koronavırýs juqtyrǵan 60 adam tirkeldi. Onyń ishindegi 56 naýqasta aýrý sımptomdary baıqalyp otyr.

«Bir kún ishinde 27 patsıent tolyqtaı saýyǵyp shyqty. 4 sımptomsyz vırýstasýshy úı karantınin aıaqtady. Qazirgi ýaqytta oblys statsıonarlarynda 542 adam emdelýde», - delingen aqparatta.

Jasóspirimderdi, júkti jáne laktatsııa kezeńindegi áıelderdi amerıkalyq Pfizer vaktsınasymen egý naýqany jalǵasýda. Búginde osy sanattardaǵy 3930 adam ekpe saldyrǵan.