ShQO-da peshti paıdalaný erejelerin saqtamaý saldarynan 93 órt shyqqan
ÓSKEMEN. QazAqparat – Shyǵys Qazaqstan oblysynda jyl basynan beri peshti paıdalaný erejelerin saqtamaý saldarynan 93 órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar turǵyn úı sektorynda bolǵan órtterge taldaý jasady. Belgili bolǵandaı, óńir boıynsha 93 órt peshti paıdalaný kezinde qaýipsizdik talaptaryn saqtamaý saldarynan bolǵan.
«Máselen, 28 sáýirde Óskemen qalasyndaǵy Chasnıkov kóshesinde ornalasqan jer úı órtendi. Jalpy aýdany 182 sharshy metrdi quraǵan qyzyl jalyn shatyr men tóbe jabynynyń aǵash qurylymdaryn sharpydy. Oqıǵa ornyna shuǵyl kelip jetken TJD qyzmetkerleri tilsiz jaýdy tolyqtaı aýyzdyqtady. Órttiń shyǵý sebebi – peshti ornatý jáne paıdalaný kezinde qaýipsizdi talaptarynyń buzylýynan», - delingen aqparatta.
Osy rette, qutqarýshylar turǵyndarǵa peshtegi aqaýdyń saldarynan ýly gaz tarap, adam ólimine ákelip soǵýy múmkin ekendigin eskertedi.
Esterińizge sala ketsek, osyǵan deıin ShQO qutqarýshylary órttiń aldyn alý úshin ǵaryshtan monıtorıng jasap jatqanyn habarlaǵan edik.
