ShQO-da peshtegi aqaý saldarynan er adam men eki balasy ıis tıip ýlandy

ÓSKEMEN. QazAqparat – Shyǵys Qazaqstan oblysy Glýbokoe aýdanynda ıis tıgen er adam men eki balasy aýrýhanaǵa jatqyzyldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Glýbokoe aýdanynda jer úıde peshtegi aqaý saldarynan 3 adam ıis tıip ýlandy.

25 jastaǵy úı ıesi, onyń 5 jasar qyzy men 3 jasar uly shuǵyl túrde medıtsınalyq mekemege jatqyzyldy. Úıge dereý jetken qutqarýshylar bolǵan oqıǵanyń mán-jaıyn anyqtady.

«2023 jyldyń qańtarynda TJD mamandary aldyn ala júrgizgen profılaktıkalyq reıd kezinde bergen usynystar men nusqaýlyqtarǵa qaramastan olar jaryqtary bar peshti paıdalanǵan. Sonyń saldarynan oqys jaǵdaı boldy. Departament qyzmetkerleri kómirtegi totyǵymen ýlaný jaǵdaılarynyń aldyn alý úshin jyl basynan beri 36 000-nan astam turǵyn úıdi aralap shyqqan. Kún saıyn óńirde 68 000-ǵa jýyq turǵynǵa nusqaýlyq ótkizildi», - delingen aqparatta.

Úılerde jıi kezdesken buzýshylyqtar – murjany ýaqtyly tazalamaý, peshterde jaryqtardyń bolýy jáne jeldetýdiń nasharlyǵy.