ShQO-da peshte qaldyrylǵan tamaqtan 54 ret órt bolǵan
ÓSKEMEN. QazAqparat – Shyǵys Qazaqstan oblysynda jyl basynan beri turǵyndardyń peshtegi tamaqty umyt qaldyrýy saldarynan 54 ret órt bolǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Óskemende Kosarev kóshesindegi kópqabatty úıdegi páterde peshke qoıylyp umytylyp ketken tamaq órttiń shyǵýyna sebep boldy. Órt sóndirýshiler kelip jetkende úı ishinde eshkim joq bolyp shyqqan. Tútin úı kireberisine kóp taralmaǵandyqtan turǵyndardy evakýatsııalaý qajet bolmady.
«2022 jyldyń basynan beri qutqarýshylar osyndaı jaǵdaılarǵa 54 ret bardy. Peshte tamaqty umyt qaldyrý óte qaýipti. Balalar, qarttar, tynys alý aýrýlary bar adamdar tútinnen zardap shegedi. Tamaqty peshke qoıyp uıyqtap jatqan azamat eshqashan oıanbaı qalýy múmkin», - dep eskertti qutqarýshylar.
Eske salaıyq, peshte qaldyrylǵan tamaqtan órt shyqsa QR ÁQBtK-niń 410-baby boıynsha eskertý jasalady nemese jeke tulǵalarǵa 5 AEK mólsherinde (1 AEK – 3180 teńgege teń) aıyppul salynady.
