ShQO-da paıdaly qazbalardy zańsyz óndirýmen aınalysqan sheteldik elden shyǵaryldy

ÓSKEMEN. KAZINFORM – Shyǵys Qazaqstan oblysynda paıdaly qazbalardy zańsyz óndirýmen aınalysqan shetel azamaty elden shyǵaryldy.

Sot isi Úlken Naryn aýdandyq sotynda qaraldy. Belgili bolǵandaı, shetel azamaty paıdaly qazbalardy zańsyz óndirý kezinde ustalǵan.

Buǵan deıin ol kóshi-qon zańnamasyn buzǵany úshin ákimshilik jaýapkershilikke tartylǵan. ıAǵnı ol ekinshi ret quqyq buzyp tur.

- Sot er adamdy kináli dep tanyp, bir táýlik ákimshilik qamaqqa alý jazasyn taǵaıyndady. Sodan soń sheteldik Qazaqstan Respýblıkasynan shyǵaryldy, - dep habarlady Shyǵys Qazaqstan oblystyq sotynyń baspasóz qyzmetinen.

Aıta keteıik, oblysta jyl basynan beri paıdaly qazbalardy zańsyz óndirý baby boıynsha 35 ákimshilik is qaralǵan.

Eske salsaq, osyǵan deıin UQK Almatyda 5 sheteldik josparlaǵan teraktiniń aldyn alǵany habarlanǵan.