ShQO-da «Parasat joly» ortalyǵy ashyldy
Bul ortalyq mádenıet, ǵylym jáne qoǵam qaıratkerleri men stýdentterdiń dıalog alańyna aınalmaq, dep habarlaıdy QazAqparat tilshisi.
D.Serikbaev atyndaǵy ShQTÝ rektory Jasulan Shaımardanov jańa jobanyń ashylý saltanatymen quttyqtady.
«Parasat joly» ortalyǵynda stýdentterge aqyn-jazýshylar, ǵalymdar, memleket jáne qoǵam qaıratkerleri, jalpy zııaly qaýymmen kezdesýler uıymdastyrylady. Parasattylyq qundylyqtary keńinen nasıhattalyp, qoǵamda bolyp jatqan máseleler talqyǵa túsedi. «Parasat jolynyń» kitaphanalardan bastalýy zańdy dep bilemiz, sebebi parasattyń qaınar kózi – kitapta. Biz úshin stýdentterdiń bolashaǵy mańyzdy. Elge belgili, isimen ónegeli aǵalarymyz jastarǵa jol kórsetse deımiz. Bul stýdentter men ǵalymdardy sybaılas jemqorlyqqa qarsy is-qımylda tıimdi sheshimder ázirleý jónindegi jumysqa tartý úshin biregeı alań bolmaq, - dedi ol.
Shara barysynda ýnıversıtet rektory men ShQO Sybaılas jemqorlyqqa qarsy qyzmet departamenti basshysy Erlan Jalmaǵambet, «Sanaly urpaq» klýbynyń múshesi Samat Neılıa ashylý rásimine qatysty. Sondaı-aq kitaphana qyzmetkerleri kórme uıymdastyrdy. Kórmede sybaılas jemqorlyqpen kúres máselesine qatysty kóptegen kitaptar men jýrnaldar, jarııalanǵan aqparattyq materıaldar kópshilik nazaryna usynyldy. Zamanaýı úlgide jabdyqtalǵan ýnıversıtet kitaphanasy bazasynda sybaılas jemqorlyqtyń aldyn alý, jastardy adamgershilikke tárbıeleý, sybaılas jemqorlyqqa qarsy mádenıetti nasıhattaýǵa arnalǵan elektrondy oqýlyqtar da jetkilikti.
Erlan Jalmaǵambet ýnıversıtet qoryna oblystyq departamentten arnaıy sybaılas jemqorlyqpen kúres materıaldary men basylymdardy alýǵa keńes berdi. Sonymen qatar ol ýnıversıtet ujymynyń jemqorlyqpen kúres belsendiligin atap ótti. Bolashaqta osyndaı jemqorlyqtyń aldyn alýda birlesip jumys isteýge de shaqyrdy.
«Búgingi ashylyp jatqan ortalyqtyń paıdasy zor bolmaq. Ýnıversıtet stýdentteri óte belsendi. Olarǵa osy parasat jolymen alǵa júrip, bıik belesterdi baǵyndyra bersin deımin», - dedi ShQO Sybaılas jemqorlyqqa qarsy qyzmet departamenti basshysy.
Shara sońynda «Sanaly urpaq» klýby músheleri «Immýnıtet laboratorııasynda» jasalǵan «Parasatty tulǵa» formýlasymen tanystyrdy. Stýdentter hımııalyq qosylystarǵa adaldyq, ar-uıat, ádildik, meıirimdilik, adamgershilik syndy qasıetter ataýyn bere otyryp, parasatty adam formýlasyn oılap tapty. Qara tús aqqa aınalǵan qosylys, parasattylyq sımvoly ispettes.