ShQO-da para alǵan kóliktik baqylaý ınspektsııasynyń 11 qyzmetkeri ustaldy

ÓSKEMEN. QazAqparat - Shyǵys Qazaqstan oblysy boıynsha Sybaılas jemqorlyqqa qarsy qyzmet kóliktik baqylaý ınspektsııasynyń 11 qyzmetkerinen turatyn qylmystyq top qyzmetiniń jolyn kesti, dep habarlaıdy QazAqparat atalmysh vedomostvoǵa silteme jasap.

Qylmystyq shemany ınspektsııa bólimderiniń biriniń basshysy uıymdastyrǵan.

Atalǵan laýazymdy tulǵalar óńirdegi jalpy qamqorlyq pen kedergisiz júrip-turý úshin júk tasymaldaý salasyndaǵy kásipkerlerden para alǵan.

Para somasy 10 000-nan 50 000 teńgege deıingi aralyqty quraǵan, ony júk kóligi júrgizýshileri qol alysý kezinde Inspektsııa qyzmetkerlerine berip otyrǵan.

Alynǵan paralardyń kúndelikti aınalymy 150 myńnan 500 myń teńgege deıin bolǵan.

Barlyǵy aqsha aýdarymynyń 20-dan astam oqıǵasy qujattaldy.

4 adamǵa qatysty sot «qamaýǵa alý» bultartpaý sharasyn tańdady, qalǵan laýazymdy tulǵalar kinásin tolyq moıyndady jáne tergeýmen yntymaqtastyqqa keldi.

Qazirgi ýaqytta Agenttik atalǵan qylmystyq shemany joıý jáne osyǵan uqsas jemqorlyq quqyq buzýshylyqtaryn jasaýǵa jol bermeý boıynsha keshendi aldyn alý jumystaryn bastady.