ShQO-da pandemııa bastalǵaly vırýs juqtyrǵandardyń 80%-ynda sımptomdar baıqaldy
ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 ınfektsııasyn juqtyrǵan 11 adam tirkeldi. Onyń ishindegi 5 naýqasta sımptom bar bolsa, 6 adam syrqatty sımptomsyz ótkerýde.
«Jalpy pandemııa bastalǵaly oblysta 59 549 adam qaýipti dertke shaldyqqan. Onyń ishinde 47742 turǵynda, ıaǵnı 80 paıyzynda aýrýdyń klınıkalyq belgileri baıqaldy. Naýqastar sany jaǵynan Óskemen (22 117 adam) men Semeı (19 700) qalalary jáne Glýbokoe aýdany (2896) aldyńǵy qatarda tur», - delingen habarlamada.
Sońǵy bir kúnde 19 patsıent koronavırýstan tolyqtaı saýyǵyp shyqty. Qazirgi ýaqytta aımaq boıynsha statsıonar jaǵdaıynda 57 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 2,9 paıyzdy quraıdy.
