ShQO-da pandemııa bastalǵaly beri zerthanalarda qansha PTR-synama tapsyryldy

ÓSKEMEN. QazAqparat – Shyǵys Qazaqstan oblysynda koronavırýs pandemııasy bastalǵaly beri zerthanalarda 1,4 mln-nan astam PTR-synama tapsyryldy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, COVID-19 pandemııasy bastalǵaly beri óńir aýmaǵynda 59 516 adam vırýs juqtyrǵan. Onyń ishinde 47 720 naýqasta aýrýdyń sımpomdary baıqaldy.

«Oblysta sońǵy táýlikte COVID-19 ınfektsııasyn juqtyrǵan 7 adam tirkeldi. Bir kúnde 27 patsıent koronavırýstan tolyqtaı saýyǵyp shyqty. Qazirgi ýaqytta aımaq boıynsha statsıonar jaǵdaıynda 88 naýqas em-dom qabyldap jatyr», - delingen aqparatta.

Búginde Shyǵys Qazaqstan boıynsha PTR-synamalardy tekserýdi 19 zerthana júrgizedi. Osy ýaqytqa deıin oblys jurtshylyǵy sol zerthanalarda 1 408 786 ret synama tapsyrǵan. Onyń 4,2%-ynda koronavırýs tabyldy.