ShQO-da pandemııa bastalǵaly beri 60 myńǵa jýyq adam vırýs juqtyrdy

ÓSKEMEN. QazAqparat – Shyǵys Qazaqstan oblysynda pandemııa bastalǵaly beri 60 myńǵa jýyq adam vırýs juqtyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, COVID-19 pandemııasy bastalǵaly óńir aýmaǵynda 59 129 adam vırýs juqtyrǵan. Onyń ishinde 47 392 adamda sımptomdar baıqaldy.

«Sońǵy táýlikte óńir boıynsha 64 turǵynnan koronavırýs anyqtaldy. Onyń ishinde Óskemen (35) men Semeı (18) qalalarynda atalǵan dertke shaldyqqandar jıi tirkelgen. Jalpy oblystaǵy statsıonarlarda tósek-oryn qorynyń júktemesi – 14,3 paıyzdy qurap otyr», - delingen habarlamada.

Bir kún ishinde 10 sımptomsyz vırýs tasýshy úı karantınin aıaqtady. Statsıonarlarda jatqan 38 adam emdelip shyqty.

Aıta keteıik, aımaq boıynsha PTR-testileýdi 19 zerthana júrgizedi. Pandemııa bastalǵaly beri onda barlyǵy 1 385 395 adam tekserilgen. Onyń 4,3%-ynda vırýs anyqtaldy.