ShQO-da palýandar batl uıymdastyryp, kúsh teńestirdi

ÓSKEMEN. QazAqparat – Óskemende Qajymuqan Muńaıtpasulynyń qurmetine eń myqty degen atletter batl uıymdastyrdy, dep habarlaıdy QazAqparat.

Qazaqstan sportshylary odaǵynyń baspasóz qyzmetinen málim etkendeı, Batyrs' Battle jobasynyń avtory belgili atlet, QR Mádenıet jáne sport mınıstrliginiń ambassadory Sergeı Tsyrýlnıkov.

Saıysqa oblystyń ár aýdanynan 8 palýan qatysty. Olar:

- bıiktikke qap kóterý

- bórene kóterý

- tas kóterý

- metaldan jasalǵan shybyq maıystyrý

- beldesý boıynsha kúsh teńestirdi.

«Bul tek sporttyq emes, sondaı-aq mádenı shara. Sol arqyly biz Qajymuqan Muńaıtpasulynyń 150 jyldyǵyn atap ótemiz, al batyrlarymyz palýanymyzdyń izimen júrip kóredi. Odan bólek, sharanyń tárbıelik máni de bar. Biz babamyzdan qalǵan dástúrdi jas urpaqqa jetkizip, mundaı sport túrlerin saqtaýǵa tyrysýdamyz», - dedi Sergeı Tsyrýlnıkov.

Nátıjesinde Batyrs' Battle beldigi grek-rım kúresinen QR sport sheberi, Azııa chempıonatynyń júldegeri Salaýat Ahmetqalıge buıyrdy.

Qazaqstan sportshylary odaǵynyń tóraǵasy Azamat Qarlyǵashev eki jeńimpaz respýblıkalyq saıystyń Nur-Sultan qalasynda ótetin aqtyq kezeńinde óner kórsete alatynyn aıtty.

Saıys qorytyndysy:

1-oryn – Salaýat Ahmetqalı (boıy - 178 sm, salmaǵy - 118 kg)

2-oryn – Aleksandr Nıkıtın (boıy - 188 sm, salmaǵy - 115 kg)

3-oryn – Maksım Osıpov (boıy - 178 sm, salmaǵy - 118 kg)

4-oryn – Manat Eshmýratov (boıy - 178 sm, salmaǵy - 118 kg)

5-oryn – Roman Kaýnov (boıy - 180 sm, salmaǵy – 97,50 kg)

6-oryn – Alekseı Sızov (boıy - 174 sm, salmaǵy - 98 kg)

7-oryn – Evgenıı Epıfanov (boıy - 185 sm, salmaǵy - 115 kg)

8-oryn – Evgenıı Borısov (boıy - 178 sm, salmaǵy - 106 kg)