ShQO-da ózin kommýnaldyq mekeme qyzmetkeri retinde tanystyrǵan alaıaq ustaldy

ÓSKEMEN. QazAqparat – Shyǵys Qazaqstan oblysynda ózin kommýnaldyq mekeme qyzmetkeri retinde tanystyryp, zeınetkerdi aldap soqqan alaıaq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 86 jastaǵy qart kisi habarlasqan.

Onyń aıtýynsha, belgisiz er adam páterine kelip, ózin «Óskemen jylý júıeleri» AQ qyzmetkeri retinde tanystyrǵan. «Ystyq sý plombasyn aýystyramyn» degen ol ishke kirip, zeınetkerdiń aqshasyn jymqyryp ketti.

«Jedel-izdestirý sharalaryn júrgizgen tártip saqshylary «Sergek» beınebaqylaý kamerasynyń kómegimen kúdiktini qolǵa túsirdi. Ol 1986 jylǵy Almaty oblysynyń turǵyny bolyp shyqty. Jábirlenýshige keltirilgen materıaldyq shyǵyn mólsheri anyqtalýda», - dedi ShQO PD bastyǵy Saǵat Mádıev.

Qazirgi ýaqytta er adam Óskemen qalalyq PB ýaqytsha ustaý ızolıatoryna qamaýǵa alynǵan. Atalǵan fakti boıynsha QR QK-niń 190-baby 1-bóligine sáıkes sotqa deıingi tergeý amaldary júrgizilýde.