ShQO-da ózenderdiń birinde taǵy da balyq qyryldy
ÓSKEMEN. QazAqparat – Shyǵys Qazaqstan oblysy Jarma aýdanyndaǵy Shar ózeninde balyq qyryldy, dep habarlaıdy QazAqparat tilshisi.
Zaısan-Ertis oblysaralyq basseındik balyq sharýashylyǵy ınspektsııasyna 18 sáýirde Shar ózeninde balyqtyń qyrylǵandyǵy týraly aqparat kelip túsken.
«Atalǵan sý qoımasy «Aqtaılaq» sharýa qojalyǵynyń qaramaǵyna bekitilgen. Sol jerge kelip jetken mamandar óli balyqtardyń jaǵalaýdan 800 metrdeı qashyqtyqta jatqanyn kórdi. Qyrylǵan balyqtyń jalpy salmaǵy – 450 keli. Kózben sholý kezinde balyqtarǵa qandaı da bir zaqym kelgeni anyqtalǵan joq», - delingen ınspektsııa ókilderi taratqan habarlamada.
Belgili bolǵandaı, ózendegi sý deńgeıi aıtarlyqtaı tómendep ketken. Ózenniń ortalyq bóliginde sý tereńdigi 80 santımetr ǵana. Aldyn ala málimet boıynsha balyqtyń qyrylýyna sý qoımasynyń taıaz jerleriniń qatýy sebep bolýy múmkin.
Esterińizge sala ketsek, osyǵan deıin Ertis ózeninde balyq qyrylǵandyǵy habarlanǵan bolatyn.
