ShQO-da ózenderde sý deńgeıi kóteriledi

ÓSKEMEN. QazAqparat – Shyǵys Qazaqstan oblysynda 1-4 sáýir aralyǵynda ózenderde sý deńgeıi kóterilýi yqtımal, dep habarlaıdy QazAqparat tilshisi.

ShQO Tótenshe jaǵdaılar departamenti baspaóz qyzmetiniń málimetine súıensek, 1-4 sáýir aralyǵynda óńirde aýa temperatýrasy kúrt jylynady dep kútilýde.

«Soǵan baılanysty qar jyldam qarqynmen erip, ózenderde sý deńgeıi kóterilip, qyzyl sý júrýi múmkin. ıAǵnı kóshelerdi, úılerdi sý basý qaýpi joǵarylaıdy», - dep habarlady vedomstvo ókilderi.

Osy rette, TJD azamattarǵa birqatar keńes berdi:

- Úı mańyn qardan tazartyp, aryq pen bulaq arnalaryn bitep tastamaý qajet.

- Jaǵdaı ýshyqqanda evakýatsııalaýǵa daıyn bolý, maldy qaýipsiz jerge aparý.

- Qujattardy, qajetti zattardy, dári-dármekti daıyndap qoıý kerek.