ShQO-da ózender kemerinen asyp, sý basý jaǵdaılary bolýy múmkin - Qazgıdromet
ANA. 2 sáýir. QazAqparat - Shyǵys Qazaqstan oblysynda qar erý úrdisiniń artýynan ózender kemerinen asyp, sý basý jaǵdaılary bolýy múmkin. Bul týraly «Qazgıdrometten» habarlady.
Taratylǵan málimetke sáıkes, aldaǵy úsh táýlikte Jaıyq, Syrdarııa ózeniniń tómengi aǵysynda jáne Shyǵys Qazaqstan oblysynyń jekelegen ózenderinde muz qatparlary buzylyp, sý deńgeıleri qalypty jaǵdaıynan aýytqıdy.
ShQO-da qardyń jyldam erýi saldarynan ózender arnalarynan asyp, sý basý jaǵdaılary bolýy múmkin.
Jambyl, Ońtústik Qazaqstan jáne Almaty oblystarynyń kishi taýly ózenderinde kúnniń jylynýynan jáne kútilip otyrǵan jaýyndarǵa baılanysty sý kólemi ulǵaıyp, keıbir ózenderde qar men jańbyr sýynyń tasqyny bolýy yqtımal.
Respýblıkanyń batys, ortalyq jáne shyǵysyndaǵy sýly nysandarda birtindep kóktemgi úderister kórinis bere bastaıdy. Eldiń tek soltústigindegi ózenderde qysqy rejim saqtalady.
