ShQO-da ózen jaǵasynan taǵy da adam máıiti tabyldy

ÓSKEMEN. QazAqparat – Shyǵys Qazaqstan oblysynda tamyz aıy bastalǵaly ózen jaǵasynan ekinshi adamnyń máıiti tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtsııaǵa Glýbokoe aýdany Taýly Úlbi aýylyndaǵy Úlbi ózeniniń jaǵasynda adam máıiti jatqandyǵy jaıly habar túsken.

«Sol jerge attanǵan tártip saqshylary er adamnyń máıitin tapty. Onyń naqty neden mert bolǵany tıisti saraptama jumystarynan keıin belgili bolmaq. Qalǵan aqparat QR Qylmystyq-protsestik kodekstiń 201-babyna sáıkes (Sotqa deıingi tergep-tekserý derekterin jarııa etýge jol bermeý) jarııa etilmeıdi», - delingen aqparatta.

Eske salsaq, bul – tamyz aıy bastalǵaly Shyǵys Qazaqstandaǵy ózenderdiń jaǵasynan tabylǵan ekinshi máıit. 1 tamyz kúni Rıdder qalasy turǵynynyń denesi Jýravlıha ózeniniń jaǵasynan tabylǵan bolatyn.