ShQO-da ózen-kólderdiń jaǵalaýynda ereje buzǵan 1 500-den asa adam jaýapqa tartyldy
ÓSKEMEN. KAZINFORM – Shyǵys Qazaqstan oblysynda jaz bastalǵaly ózen-kólderdiń jaǵalaýynda túrli ereje buzǵan 1500-den astam adam jaýapqa tartyldy.
Sý aıdyndaryndaǵy jazataıym oqıǵalardyń aldyn alý úshin qutqarýshylar men kóliktik baqylaý ınspektsııasynyń mamandary patrýldeýdi kúsheıtti.
«Buqtyrma sý qoımasynda shaǵyn kólemdi kemelerdegi qaýipsizdik sharalary jáne sýdaǵy júris-turys erejeleri saqtalýyn qamtamasyz etý maqsatynda reıd júrgizildi. Buzýshylyqtardyń arasynda sapbordtarda, katamarandarda jáne basqa da júzý quraldarynda otyrǵan kezde qutqarý keýdeshelerin kımeý, sýdaǵy shekteýlerden asyp júzip ketý syndy jaǵdaıdar bar», - deıdi ShQO TJD bastyǵynyń orynbasary Qýatbek Kenjebekuly.
Departament qyzmetkerleri jazdyń basynan beri 2300-ge jýyq patrýldeý men reıdke shyqty. Sonyń barysynda qutqarýshylar batyp bara jatqan 18 adamǵa kómekke kelip, olardyń ómirin saqtap qaldy.
Ózen-kólderdiń jaǵalaýynda túrli ereje buzǵan 1583 adam ákimshilik jaýapkershilikke tartyldy. Onyń ishinde jalpy sý paıdalaný erejelerin buzǵan 46 adam, sý aıdyndaryndaǵy qaýipsizdik erejelerin buzǵan 24 adam, jaǵalaýda alkogoldi ishimdik ishken 1480 adam, shaǵyn kólemdi kemelerdi paıdalaný qaǵıdalaryn buzǵan 33 adam tirkeldi.
