ShQO-da ózderin ákimdik qyzmetkerleri retinde tanystyrǵan alaıaqtar ustaldy
ÓSKEMEN. QazAqparat – Shyǵys Qazaqstan oblysy Shemonaıha aýdanynda ózderin ákimdik qyzmetkerleri retinde tanystyrǵan alaıaqtarǵa qylmystyq is qozǵaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 54 jastaǵy azamat alaıaqtardyń qurbany bolyp qala jazdaǵanyn aıtqan. Belgili bolǵandaı, ózderin ákimdik qyzmetkerleri retinde tanystyrǵan eki beıtanys adam onyń atyna 32 000 teńge mólsherinde onlaın nesıe almaq boldy.
«Jedel-izdestirý sharalaryn júrgizgen polıtsııa qyzmetkerleri 30 jáne 43 jastaǵy eki er adamdy ustady. Olardyń biri buryn sotty bolǵan», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 190-baby 2-bóligine sáıkes sotqa deıingi tergeý amaldary júrgizilýde.
