ShQO-da Ózbekstannyń 21 azamaty qurylys jumystaryna zańsyz tartylǵan
ShQO Polıtsııa departamenti baspasóz qyzmetiniń málimetine súıensek, tártip saqshylary «Ýchaske» jedel aldyn alý sharasy aıasynda óńir aýmaǵynda zańsyz jumys istep júrgen sheteldikterdi anyqtady.
Óskemende ýákiletti organnyń ruqsatynsyz jer úılerdiń qurylysyna tartylǵan Ózbekstannyń 21 azamaty jáne Tájikstannyń 13 azamaty QR ÁQBtK-niń 517-baby 5-bóligimen jaýapqa tartylyp, elden shyǵaryldy.
«Sondaı-aq zańsyz mıgranttardy jumysqa qabyldaǵan 6 jumys berýshi de jaýapqa tartyldy. Naqty aıtqanda, olardyń árqaısysy 100 myń teńgeden astam mólsherde ákimshilik aıyppul salyndy. Jalpy jedel aldyn alý sharasy bastalǵaly beri oblys boıynsha QR kóshi-qon zańnamasyn buzǵany úshin júzden astam adam ákimshilik jaýapkershilikke tartylǵan», - delingen aqparatta.
Eske salsaq, osyǵan deıin ShQO-da ormanda sańyraýqulaq terip júrgen 83 jastaǵy ájeniń adasyp ketkeni habarlanǵan.
