ShQO-da ótken respýblıkalyq aıtystyń jeńimpazy anyqtaldy

ÓSKEMEN. QazAqparat - Aqyn Haziret Berdiqan Qalıhan Altynbaev atyndaǵy respýblıkalyq aıtystyń jeńimpazy ataldy, dep habarlady «QazAqparat» HAA tilshisi.

Jarma aýdanynda belgili qazaq aqyny, prozashy Qalıhan Altynbaevtyń 90-jyldyǵyna oraı birqatar is-sharalar ótýde. Oǵan aqynnyń uly Qalbaı Qalıhanuly men qyzy Almagúl Qalıhanqyzy, sondaı-aq burynǵy áriptesteri, eldiń zııaly qaýym ókilderi qatysýda.

«Týǵan jer» baǵdarlamasy boıynsha iske asyrylyp jatqan mereıtoılyq sharalardyń alǵashqy kúni Qalbataýda Qalıhan Altynbaevqa eskertkish ashyldy. 25 aıtysqa qatysqan aqyndy eske alý qurmetine respýblıkalyq aıtys ótkizildi. Ony Júrsin Erman júrgizdi. Jarysqa eldiń ár óńirinen 12 aqyn qatysty. Jeńis Qaziret Berdihanovqa berildi.

Eske salsaq, aqyn, prozashy, sýyryp salma aqyn, ólketanýshy Qalıhan Qalıasqaruly Altynbaevtyń shyǵarmashylyǵy ShQO Kókpekti aýdanymen tikeleı baılanysty. Ol týyndylaryna óz ólkesiniń sulýlyǵyn arqaý etti. Qazir Qalbataýda at jarysy ótýde. Alaman báıge (25 shaqyrym) jeńimpazy kólik alady. Báıge qunan jáne jorǵa jarystarynyń jeńimpazdary baǵaly syılyqtarmen marapattalmaq.