ShQO-da otqa oranǵan jer úıden 69 jastaǵy qarııanyń denesi tabyldy
Shyǵys Qazaqstan oblysy Glýbokoe aýdanynda jer úı órtenip, 1 adam kóz jumdy, dep habarlaıdy Kazinform.
ShQO tótenshe jaǵdaılar departamenti baspasóz qyzmetiniń málimetine súıensek, Glýbokoe aýdany Beloýsovka kentindegi Fabrıchnaıa kóshesinde órt boldy.
«Órt sóndirýshiler kelgen kezde jer úıdegi aǵash shatyr, bólmeler ishindegi jıhazdar men jeke zattar otqa oranyp jatty. Qutqarýshylar ishke kirip, bólmelerdiń birinen qımyl-qozǵalyssyz jatqan 69 jastaǵy úı ıesin taýyp, syrtqa alyp shyqty. Sol jerde qarııany teksergen jedel járdem dárigerleri onyń mert bolǵanyn aıtty», - delingen aqparatta.
Kóp uzamaı jalpy aýdany 20 sharshy metrdi quraǵan tilsiz jaý tolyqtaı sóndirildi. Aldyn-ala derek boıynsha jalynnyń shyǵýyna otty abaısyz paıdalaný sebep bolǵan. Qazirgi ýaqytta sot-medıtsınalyq saraptama taǵaıyndaldy.
